საიტზე მიმდინარეობს ტექნიკური სამუშაოები

ქართული ფილმის პრეზენტაცია ქ. ადის-აბებაში

 

2016 წლის 15 მარტს, ეთიოპიაში ფრანკოფონიის კვირეულის ფარგლებში ქ. ადის-აბებას ფრანგული ალიანსის დარბაზში გაიმართა გიორგი ოვაშვილის ფილმის „გაღმა ნაპირი“ ჩვენება (ქართულ ენაზე, ფრანგული სუბტიტრებით).

სეანსის წინ საქართველოს ელჩმა ვახტანგ ჯაოშვილმა ისაუბრა ქართულ კინოზე, მის კავშირზე საფრანგეთთან, ფილმის რეჟისორზე.

ფილმის დასრულების შემდეგ, რომელმაც დიდი მოწონება დაიმსახურა, გაიმართა ქართულ ანბანთან და ქართულ ენასთან დაკავშირებული გამოფენა და მიღება, სადაც სტუმრებს საელჩო გაუმასპინძლდა ქართული ღვინით.