საქართველოს საელჩო ეთიოპიის ფედერაციულ დემოკრატიულ რესპუბლიკაში

2026 წლის 14 ოქტომბერს, საქართველოს საგანგებო და სრულუფლებიანმა ელჩმა კენიის რესპუბლიკაში (რეზიდენციით ქ. ადის-აბება), აფრიკის კავშირში მუდმივმა წარმომადგენელმა გია მაჭარაძემ მონაწილეობა მიიღო კენიის რესპუბლიკის დედაქალაქ ნაირობიში, საქართველოსა და კენიის რესპუბლიკას შორის გამართულ პოლიტიკური კონსულტაციების პირველ რაუნდში, რომელსაც ქართული მხრიდან საგარეო საქმეთა მინისტრის მოადგილე ალექსანდრე ხვთისიაშვილი, ხოლო, კენიის მხრიდან - კენიის რესპუბლიკის საგარეო და დიასპორის საქმეთა სამინისტროს, საგარეო საქმეთა სახელმწიფო დეპარტამენტის მთავარი მდივანი აბრაჰამ კორირ სინგ’ოეი ხელმძღვანელობდნენ.

2026 წლის 5-9 ოქტომბერს, ტანზანიის რესპუბლიკაში საქართველოს საგანგებო და სრულუფლებიანმა ელჩმა (რეზიდენციით ქ. ადის-აბება) და აფრიკის კავშირში მუდმივმა წარმომადგენლმა, გია მაჭარაძემ მონაწილეობა მიიღო ტანზანიის ქ. არუშაში მიმდინარე საპარლამენტთაშორისო კავშირის (IPU) 153-ე ასამბლეის მუშაობაში ქართულ დელეგაციასთან ერთად, რომელსაც საქართველოს პარლამენტის სპიკერი შალვა პაპუაშვილი ხელმძღვანელობს.

2026 წლის 14 სექტემბერს, სეიშელის რესპუბლიკაში საქართველოს საგანგებო და სრულუფლებიანმა ელჩმა (რეზიდენციით ქ. ადის-აბება) და აფრიკის კავშირში მუდმივმა წარმომადგენლმა, გია მაჭარაძემ რწმუნებათა სიგელები გადასცა სეიშელის რესპუბლიკის პრზიდენტს დოქტორ პატრიკ ჰერმინის. ცერემონია პრეზიდენტის სასახლეში გაიმართა. სეიშელის რესპუბლიკის პრეზიდენტისთვის რწმუნებათა სიგელების გადაცემის ცერემონიის ფარგლებში პრეზიდენტის სასახლში გაიმართა სამხედო აღლუმი.

2026 წლის 1-ელ ივლისს, საქართველოს საგანგებო და სრულუფლებიანი ელჩი კენიის რესპუბლიკაში (რეზიდენციით ქ. ადის აბება), აფრიკის კავშირში მუდმივი წარმომადგენელი გია მაჭარაძე კენიის რესპუბლიკის მინისტრთა კაბინეტის ხელმძღვანელს, საგარეო და დიასპორის საკითხებში კაბინეტის მდივანს, მუსალია მუდავადის შეხვდა.

საქართველოს საგარეო საქმეთა სამინისტრო აცხადებს საგრანტო კონკურსს  „ჩემი ქართული სკოლა“. საგრანტო პროგრამის მიზანია ქართული ენის სწავლების ხარისხის გაუმჯობესება, მოსწავლეების კულტურულ აქტივობებში ჩართულობის გაზრდა, საკვირაო სკოლების გაძლიერება სასწავლო მასალით და შემოქმედებითი რესურსებით, საზღვარგარეთ მოქმედი ქართული საკვირაო სკოლების მხარდაჭერა, საზღვარგარეთ საქართველოს დიპლომატიურ წარმომადგენლობებისა და საკონსულო დაწესებულებების ჩართულობით.

საქართველოს საგარეო საქმეთა სამინისტრო აცხადებს დედაენის დღისადმი მიძღვნილ საგრანტო კონკურსს „ჩემი ენა ქართული“. კონკურსის მიზანია ქართული ენის სწავლების ხელშეწყობა და ქართული კულტურის პოპულარიზაცია, ასევე, დიასპორული ინიციატივების მხარდაჭერა, საზღვარგარეთ საქართველოს დიპლომატიური წარმომადგენლობებისა და საკონსულო დაწესებულებების აქტიური ჩართულობით.